Motorongeluk eis laggende Nico

Date: 05 November 2015 By: Andries van Zyl

Mnr. Nico van der Walt, ‘n welbekende inwoner van Levubu, is Donderdag, 29 Oktober, in die ouderdom van 44 jaar in ‘n motorongeluk op die Louis Trichardt/Levubu-pad oorlede.

Nico sal onthou word as ‘n energieke, opgewekte, lewenslustige grapmaker, laggende, stoute poetsbakker, goeie kok, altyd bereidwillige en behulpsame mens wat lief was vir sport. Hy het ook aan fietsry en Warrior-kompetisies deelgeneem. Sy heengaan laat ‘n groot leemte en hy gaan verskriklik gemis word.

Wyle Nico laat sy vrou Luzanne, sy vier kinders Stephan, Mignon, Chenè en Nicole, pa Tuba, stiefma Retha, broer Dries en suster Tanya, agter. Sy begrafnisdiens vind eerskomende Vrydag, 6 November, om 11:00 plaas vanuit die NG Kerk Levubu-gemeente.

Die familie het hul opregte dank uitspreek teenoor ds. Petrus Kriel vir sy noue betrokkenheid met die familie, asook al Nico en Luzanne se vriende en ook die hele Levubu-gemeenskap vir al hul ondersteuning, hulp en bystand.

Viewed: 1069

Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

More photos...