Augustus se winde kniehalter duiwe vanaf Bloemfontein

Date: 24 August 2023 By: Andries van Zyl

Lede van die Hangklip (HLP) en Soutpansberg (SPB) Resiesduifklubs se duiwe het die afgelope naweek aan hulle moeilikste wedvlugte nog dié seisoen deelgeneem met Augustus se winde wat erg gepla het oor die 775 km vanaf Bloemfontein. Die duiwe kon maar ‘n gemiddelde spoed van sowat 1 000 meter per minuut handhaaf.

In die 12A-opewedvlug is 65 duiwe vrygelaat, maar slegs die eerste 20 posisies word hier genoem. Die wedvlug is gewen deur Gerhardt Bezuidenhout (HLP), nadat sy wenduif die afstand voltooi het met ‘n gemiddelde spoed van 1 004,74 meter per minuut. Hy was 5de, 10de, 13de en 20ste. Marx Hokk (SPB) was 2de, 4de en 11de, Louis Gossmann (SPB) 3de en 14de, Nico & Dian Bezuidenhout (HLP) 6de, 7de, 15de en 19de, Pienaar Hokke (HLP) 8ste, 12de en 16de en RWJ & Mike Coetzee (HLP) 9de, 17de en 18de.

In die 12B-opewedvlug is ook 65 duiwe losgelaat. Marx Hokke het die wedvlug gewen, nadat hulle wenduif die afstand voltooi het met ‘n gemiddelde spoed van 968,40 meter per minuut. Hulle was ook 3de, 6de en 19de. Pienaar Hokke was 2de, 5de en 9de, Nico & Dian Bezuidenhout 4de, 8ste en 13de, Mieke & Mike Coetzee (HLP) 7de, 10de, 11de, 12de en 15de, Gerhardt Bezuidenhout 14de, 16de, 17de en 20ste en RWJ & Mike Coetzee 18de.

Eerskomende naweek neem die klublede se duiwe deel aan twee opewedvlugte vanaf Kimberley oor ‘n afstand van ongeveer 830 km. 

Viewed: 1707

Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

More photos...