Twee persone het ligte beserings opgedoen in ‘n motorongeluk sowat 20 km buite Louis Trichardt op die Levubu/Thohoyandou-pad Vrydagoggend. ‘n Vragmotor en ‘n bakkie het tromp-op gebots. Die bestuurder van die wit Toyota-bakkie was onderweg na Louis Trichardt. Ten tye van die skryf van hierdie berig was die oorsaak van die ongeluk nog nie bekend nie. Daar word vermoed dat die swak toestand van die padoppervlakte (weens padwerke) en die reënweer bestuurstoestande moeilik gemaak het vir beide bestuurders.