ADVERTISEMENT:
'n Vangwa van die plaaslike polisie en nog 'n bakkie het met mekaar gebots in die kruising by die KFC in Groblerstraat.
Date: 13 February 2015 By: Isabel Venter
Dit is lankal ‘n bekende feit in Louis Trichardt dat verkeerstekens nie sommer gehoorsaam word nie.
Dinsdagoggend het dit opnuut weer duidelik geword dat ‘n stopteken vir baie ‘n toegeeteken geword het.
‘n Haastige bestuurder in sy Toyota, wat die stopteken by die kruising op die hoek van Leeu- en Bauhiniastraat verontagsaam het, het so hard met ‘n ander voertuig gebots dat al twee motors afgeskryf moes word.
Die Toyota was op pad in Bauhiniastraat, toe dit gebots het met ‘n klein bakkie wat besig was om vanuit Leeustraat in Bauhinia in te draai. Met die slag is die hele agterste deel van die bakkie se onderstel uitgeruk. Niemand is ernstig beseer in die voorval nie.
Slegs ‘n paar uur na dié voorval was daar ‘n soortgelyke ongeluk, hierdie keer by die berugte kruising voor die KFC op die hoek van Songozwi- en Groblerstraat.
Hierdie keer het 'n motoris wat vanuit 'n westelike rigting in Songozwi opgery het, glo 'n rooilig verontagsaam en met 'n polisievangwa gebots wat in die teenoorgestelde rigting op pad was.
Plaaslike polisiewoordvoerder konst. Irene Radzilane het by navraag gesê dat sy nie wil spekuleer oor die oorsaak van die ongeluk nie en eerder sal wag tot die ondersoek afgehandel is. Sy het bevestig dat daar in beide gevalle ‘n saak van nalatige en/of roekelose bestuur geopen is.
Viewed: 250
|
Tweet |
Isabel joined the Zoutpansberger and Limpopo Mirror in 2009 as a reporter. She holds a BA Degree in Communication Sciences from the University of South Africa. Her beat is mainly crime and court reporting.
More photos...
ADVERTISEMENT
ADVERTISEMENT:
ADVERTISEMENT